Nardaranda silahlı insident zamanı üç nəfər həlak olub
Bizimyol.info-nun Sabunçu rayon polis idarəsinin yaxınlığında olan əməkdaşı xəbər verir ki, polis idarəsinin ətrafında avtomobillərin hərəkətinə məhdudiyyət qoyulub. Həmçinin, idarəyə gedən yol da polis maşınları ilə əhatə olunub. İdarənin ətrafında çox sayda silah və dəyənəkli polis qüvvələri cəlb olunub.
Qeyd edək ki, Bu gün saat 13:00 radələrində Bakıda xüsusi əməliyyat keçirilib. Bakının Nardaran qəsəbəsində keçirilən əməliyyat zamanı hüquq-mühafizə orqanları əməkdaşları müqavimətlə qarşılaşıblar. Nəticədə atışma olub. Baş verən atışma zamanı ölən və yaralananların olduğu bildirilir. Əməliyyat zamanı bir neçə nəfər saxlanılıb.