Bu gün "Cenevrə Konvensiyalarının qəbulunun 66-cı ildönümü" və "Ümumdünya Gənclər Günü" münasibətilə Azərbaycan Qızıl Aypara Cəmiyyətinin Sumqayıt şəhər bölməsində könüllüləri ilə görüş keçirilib. Azərbaycan Qızıl Aypara Cəmiyyətinin icraçı katibi Bayram Vəliyev Beynəlxalq Qızıl Xaç və Qızıl Aypara Hərəkatının yaranması, tarixi, tərkib hissəsi, fundamental prinsipləri, fəaliyyətləri, Beynəlxalq Cenevrə Konvensiyası və Beynəlxalq Humanitar Hüququn əsasları haqqında könüllülərə geniş məlumat verib.
 Sonda bölmənin daha fəal könüllü və işçi heyətinə "Ümumdünya Gənclər Günü" münasibətilə təşəkkürnamələr təqdim olunub.