Sumqayıt şəhərinin 21-ci məhəlləsində uzun müddətdir qəzalı vəziyyətdə olan və "Fin evləri” kimi tanınan ikimərtəbəli yaşayış binalarının söküntü işlərinə start verilib.
Xeberle.com-un məlumatına görə, hazırda ərazidə söküntü prosesi xüsusi texnikanın cəlb olunması və müvafiq təhlükəsizlik tədbirlərinə riayət edilməklə aparılır. İşlərə başlamazdan öncə briqadalar tərəfindən kommunikasiya xətləri təhlükəsiz şəkildə ayrılıb. Bundan sonra binaların mərhələli şəkildə sökülməsinə keçilib.
Qeyd edək ki, sözügedən binalar uzun illər istismar olunduğundan yaşayış üçün təhlükə yaradırdı və onların sökülməsi şəhərin yenidənqurma planı çərçivəsində həyata keçirilir.
Xəbərdən istifadə edərkən istinad etmək vacibdir.
