Bu gün Azərbaycan Dillər Universitetində ASAN Könüllüləri Təşkilatının təşəbbüsü ilə hazırlanmış "Çanaqqala 100: Qardaş köməyi" sənədli filmi və "Çanaqqala türküsü" klipinin təqdimatı keçirilib. 
Filmin təşkilatçısı ASAN Könüllülərinin sədri Fərid Sadıxlı Çanaqqala savaşından danışıb, tarixi zəfər barədə məlumat verib. 
Milli Məclisin deputatı Əli Hüseynli isə çıxışında bildirib ki, Çanaqqala savaşı Birinci Dünya Müharibəsinin ən önəmli hadisələrindəndir: "Belə tarixi şəraitdə Osmanlının yeganə çıxış yolu dirəniş göstərib, savaşmaq idi. O zaman Türkiyənin ən işıqlı insanları olan Ənvər Paşa, Camal Paşa və s. kimi insanlar bu döyüşlərdə savaşırdılar. Döyüşdə azərbaycanlılar da türk qardaşlarına kömək etmişdi. Kimisi mühribəyə qoşulur, kimisi də neft və ərzaq yardımı ilə kömək əlini uzadırdı. Nəticədə Çanaqalada türklər zəfər çaldı və çar rejimi çökdü. Çünki Atanta çar Rusiyasına kömək edə bilmədi. Bakıda törədilən soyqırımın qarşısının alınmasında isə indiki Türkiyə türkləri öz qardaş köməyini əsirgəmədi”.  (AzVision.az)