Bu gün 20 yanvar – Ümummilli Matəm günü ilə bağlı Sumqayıt ictimaiyyəti Şəhidlər Xiyabanını ziyarət ediblər. Sumqayıt şəhər İcra Hakimiyyətinin Başçısı Eldar Əzizov və idarə, müəssisə rəhbərləri Şəhidlər Xiyabanına gələrək "Məşəl" abidəsinin üzərinə tər qərənfillər düzüblər, şəhidlərin ruhuna öz ehtiramlarını bildiriblər.

  Qanlı 20 Yanvar hadisələrindən 24 il keçdi. 1990-cı il, yanvarın 20-si Azərbaycanın müasir tarixinə ən faciəli günlərdən biri, eyni zamanda xalqımızın qəhrəmanlıq səhifəsi kimi daxil olub. 22 il əvvəl yanvarın 20-nə keçən gecə sovet ordusu Ermənistanın təcavüzkar hərəkətlərindən və keçmiş SSRİ rəhbərliyinin ermənilərə havadarlığından hiddətlənən, Bakının küçələrinə və meydanlarına çıxaraq buna etirazını bildirən geniş xalq kütlələrinə qarşı hərbi əməliyyatlara başladı. Doğma yurdunun, xalqının azadlığını, şərəf və ləyaqətini hər şeydən uca tutan vətənpərvər Azərbaycan oğulları həmin müdhiş gecə canından keçərək şəhidlik zirvəsinə ucaldı.

 Bütün ölkə ərazisində olduğu kimi  Sumqayıtda saat 12:00-da 20 Yanvar şəhidlərinin xatirəsinə ehtiram əlaməti olaraq nəqliyyatın və piyadaların hərəkəti 1 dəqiqəlik dayandırılıb. 

Xeberle.com